Thursday, April 14, 2011

ဒီငလျင်တွေကြောင့် ……. ငါ့နှယ်

ဒီငလျင်တွေကြောင့် ……. ငါ့နှယ်

ငါ့နှယ်
သင်္ကြန်မှာ ပိတောက်မပွင့်မှာနဲ့ 
ပိတောက်ကို ချယ်ရီလို ပွေ့ ဖက်ခွင့်မရနိုင်တာများ
ကမ္ဘာပျက်အောင် လွမ်းရတယ်လို့  အပြောခံရ……

ငါ့နှယ်
မိသားစု တကွဲတပြား ဆိုပေမယ့်
နေ့ တဓူဝ အွန်လိုင်းမှာ တွေ့ နေရတာ
နရသိန်ထဲက သွေးသောက်များကို
အားနာပါဦးလားလို့  အပြောခံရ…….


ငါ့နှယ်
ဦးနှောက်ထက် နှလုံးသားကကြီးနေတာကိုပဲ
ဂုဏ်ယူရမလိုလို .. သတ်ပဲသေရမလိုလို
ကိုယ့်စိတ်ကို ကိုယ်အလိုလိုက်နေပုံများ
မြွေမနိုင်ပဲ မြွေလမ္ပာယ်ပြနေသူလို့် အပြောခံရ…..

ငါ့နှယ်
ကဗျာရေးချင်နေတဲ့ ယင်းထနေတာ
ပုန်းလျှိုး ကွယ်လျှိုး ဟိုချောင်သည်ချောင်တိုး ရေးရမှာလား
အိမ်သူနဲ့  အွန်လိုင်းမှာ သိုင်းကစားရတာ အကြိမ်ကြိမ် ……

ငါ့နှယ်
မိုင်ထောင်ချီဝေးတဲ့အရပ်မှာ … ငါ
ငလျင်က ငါမရှိ တဲ့အချိန်မှာလာ
ငါ ရှိတော့ရော ငါ့ကိုယ်ငါ ပြန်မေး
အေး အနည်းဆုံးတော့ မိသားစု ဖက်သေလို့ ရတာပေါ့ကွာ ….
ငါ က ငါ့ကို အပြစ်တင် (အဲဒီကြားက)
ကဗျာတွေ တပုဒ်ပီး တပုဒ် ရေးထုတ်လို့  …

တောင်ရောက် မြောက်ရောက် ငါ့ စိတ် ကိုယ်ငါ
စစ်တမ်းကောက်ထား
အိမ်သူနဲ့  စကားများတဲ့နေ့ က
စကိုက်ပ်(skype)ကနေ လှမ်းအခေါ်
ပေါ်လာတဲ့ ပုံရိပ်နဲ့  စကားသံ အပေါ်
ရောမမြို့ ကြီး မီးဟုန်းဟုန်းတောက်တော့
နီရိုးဘုရင်ဟာ စောင်းတီးရုံတင်မက
ကဗျာလဲရေး ကဗျာလဲရွတ်တယ်ဆိုတဲ့အကြောင်းကို
ငါ ကြားအောင် သားကို သူမပြောပြနေပုံများ
ငါ့နှယ် ………..။

ရဲရင့်သက်ဇွဲ
၀၄၂၀၁၁

(ဧပြီ ၇ ၇က်နေ့ လှုပ်သွားသောငလျင်ပီး နောက်ဆက်တွဲ မိမိ၏ငလျင်အကြောင်းကို
ရေးဖွဲ့ ရာတွင် ဆရာခင်အောင်အေး၏ကဗျာမှ ငါ့ နှယ် ဆိုသော အသုံးအနှုန်းအား ယူသုံးပါသည်။)




No comments: