Friday, November 21, 2008

ဂုရုရေ


ဂုရုရေ
လက်မပြ နှုတ်မဆက်ပဲ
ရုတ်တရက်ကြီးကို
ခင်ဗျား တိတ်တဆိတ်ထွက်ခွါသွားခဲ့ပေါ့ ။

ဂုရုရေ
မယုံနိုင်စရာ
ကြေကွဲစိတ်ဟာ
ကိုယ် စိတ် နှလုံး
သုံးပါးလုံးကို ဆွံ့ အ စေခဲ့ပြီ။

ခင်ဗျားနဲ့ ကျနော်
ခရီးတခုကို အတူသွားဘူးခဲ့
မယ်လအူး စခန်းမှာ
ရက်တချို့ အတူနေဘူးခဲ့
မဲဆောက်က ကိုလွမ်းဏီအိမ်မှာ
ညနေခင်းတချို့ ကို
အရေဖျော်သောက်ဘူးခဲ့။

ဂုရုရေ
အခုတော့ဗျာ
တော်လှန်စစ်ကို ချစ်တဲ့
ကဗျာတွေကို တပ်မက်တဲ့
ရန် ငါ စည်းပြတ်တဲ့ ခင်ဗျား
အိမ်အပြန် စောလွန်းလှချည်ရဲ့ ။

ကြေကွဲမှုရဲ့ ကောင်းကင်မှာ
ဒေါင်းသံနဲ့ ဒေါင်းအလံတွေ
လရောင်ကိုထိုးဖောက်
ခင်ဗျားကို စောင့်နေလေရဲ့ ။

(ကမ္ဘာမြေရေ ဂုဏ်ပြုအပ်တဲ့ ဧည့်သည်တယောက်ကို ဆီးကြိုပေတော့။
ရောက်ရာဘ၀မှာ အာဏာရှင်စနစ်ကို အဆုံးသတ်နိုင်သူ ဖြစ်ပါစေ။)

No comments: