မျိုသိပ်ထားရတဲ့ကိစ္စ(၂)
ဒါ ကျွန်တော် သေဆုံးခဲ့တဲ့ လေထုပဲ။
အခါခါ သေဆုံးခဲ့တဲ့ လေထုပဲ။
အဏုမြူဆောင်း အေးအေးကြီးထဲမှာ
ကျွန်တော့် တစ်နံတလျားကို ၀ါးမျိုမတဲ့
မဟာအမိုက်တိုက် တိမ်လိပ်ကြီးတွေနဲ့
“နေ၀င်ရီတရော”လို့ အိပ်မက်တယ်။
ရှိစုမဲ့စု ကြယ်တစ်ပွင့်ကို ခတ်နှိပ်ပြီး
မိုက်မဲရဲရင့်တဲ့ စိတ်ကူးကောင် ကျွန်တော်ဟာ
တစ်ခါက ဗာရာဏသီမှာ ငိုက်မျည်းနေခဲ့ဖူးတာ
ဟယ်လင်မင်သမီးရဲ့
နိမိတ်ဖတ် ဆရာတစ်ယောက်ဖြစ်ခဲ့ဖူးတာ
ပုဂံပြည်ရဲ့ အုတ်ဖုတ်သမား တစ်ယောက်
ဖြစ်ခဲ့ဖူးတာ. . .
ရှေ့ခေတ် ရောမအင်ပါယာက
ရထားမောင်းသမား ဖြစ်ခဲ့ဖူးတာ. . .
မန်ချက်စတာ ယူနိုက်တက်
ဘောသမားတစ်ယောက် ဖြစ်ခဲ့ဖူးတာ
ဖာရိုဘုရင်ရဲ့ သမားတော်ကြီး ဖြစ်ခဲ့ဖူးတာ
ဘာဆိုဘာမျှ
ကျွန်တော့် လက်ဖ၀ါးပေါ်မှာ ပါမလာခဲ့ဘူး။
မျက်နှာသစ်ထားတဲ့ မနက်ခင်းတစ်ချပ် ရှိတယ်။
ဘာမဆို လိုတရတဲ့ လေနုအေးတွေ ရယ်မောလို့
လေးနာရီခြားတစ်ခါ
ကျွန်တော် မွတ်သိပ်တယ်။
အိပ်မက်ကပဲ ကျွန်တော့်ကို
အိပ်မက်က နှိုးပြီး
အိပ်မက် ပြန်ဖြစ်သွားစေခဲ့ပေါင်းများပြီ။
အနှစ်လေးဆယ်ကျော်ပြီ။
(၃၁) ဘုံမှာ အခံစားတတ်ဆုံးကောင်အဖြစ်
သူမနဲ့ တွေ့ဆုံခဲ့ပုံကိုတော့
မျိုသိပ်ထားရဦးမယ်။ ။
ဇော်ထွဋ်နိုင်
( ပျံ့ လွင့် နေ သော တေး နှင့် က ဗျာ ၀ိ ညာ ဉ် , ဘလောဂ်မှ ကူးယူဖေါ်ပြသည်)
No comments:
Post a Comment