မုန်တိုင်းကြားက အလင်းသစ်
သို့မဟုတ် သတင်းထောက်မလေး အိမ့်ခိုင်ဦး
ခေတ်ပေါ်မိန်းကလေးတစ်ယောက်ပါ၊ သူမ ၀တ်စားဆင်ယင်မှုက လွတ်လပ်တဲ့စတိုလ်ဖြစ်တဲ့
သရီးကွာတားဂျင်းပင်နဲ့ ကျောပိုးအိတ်နဲ့ သူမအိတ်ထဲမှာတော့နှုတ်ခမ်းနီတောင့်တွေအစား
စာနယ်ဇင်းပညာစာအုပ်တွေ၊ ဂျာနယ်တွေ၊ ကဗျာစာအုပ်တွေထည့်ထည့်လွယ်တတ်တယ်…။
သူမအရပ် ငါးပေစွန်းစွန်းလေးနဲ့ ဆံပင်အကြေစားဖြောင့်ထားတယ်…။ ဥပဒေဘွဲ့ယူပြီး
ရှေ့နေလိုင်စင်လျှောက်ထားဆဲအချိန်၊ သူမ၀ါသနာပါရာ သတင်းထောက်အလုပ်ကို တက်တက်ကြွကြွ လုပ်နေတဲ့အချိန် … ၂၀၀၈ မေ ၂ မှာ နာဂစ်က မိုင်တစ်ရာ့နှစ်ဆယ်နဲ့
ရန်ကုန်မြို့ကို ၀င်ခွေ့လာခဲ့တယ်။ မုန်တိုင်း စဲတဲ့နေ့လည် ၁၁ နာရီခွဲကတည်းက
သူမ ရန်ကုန်မြို့ပေါ်မှာ ခြေကျင်လျှောက်ပြီး သတင်းယူနေတယ်။ အပျက်အဆီးအလဲ
အပြိုတွေကြားမှာ သူမက ခိုင်မတ်တဲ့ စိတ်ထားနဲ့ မိုးရေတွေရွှဲရွှဲစိုရင်းဖွာနေတဲ့ ဆံပင်တွေ
ရမ်းခါရင်း… ကျွန်တော်ကိုလှမ်းပြီးခေါ်လိုက်တဲ့အသံကို ပြန်ကြားယောင်မိနေတယ်
`ကိုပိုင် ဘာလုပ်ကြမလည်းတဲ့´ လောလောဆယ်တော့ ဓါတ်ပုံတွေရိုက်ထား၊ ဒေတာတွေ
ကောက်ထားယုံပဲရှိတယ်၊ အပျက်အစီးစာရင်းနဲ့ အသေအပျောက်စာရင်းတွေ တိတိကျကျ
သိရအောင်လုပ် လို့ပြောရင်း ငါတို့မြို့ကြီး တစ်လအတွင်းတောင် ပြန်ထူမတ်နိုင်ပါ့မလားလို့
ကျွန်တော်တွေဝေမိနေပါတယ်..။ ဂျာနယ်လစ်သမားတွေက အမြဲတမ်းသုတ်သီးသုတ်ပြာ
နိုင်လွန်းပါတယ်… ဂျာနယ်တိုက်မှာလည်း အလုပ်နဲ့ လက်က မပြတ် အပြင်ထွက်ပြန်ရင်လည်း
လူထုနဲ့ နီးစပ်ဖို့ လူထု အသံကိုပြန်ပြောနိုင်ဖို့ အားထုတ်ရနဲ့ အဖြစ်အပျက်က နှစ်တရာအတွင်း အကြီးအမားဆုံး အဆုံးအရှုံး သတင်းထောက်တွေကလည်း တိုက်ကိုဝင်လိုက်ထွက်လိုက်
နဲ့ အိမ့်ခိုင်ဦး နဲ့ တစ်ပါတ်လုံးလုံး မဆုံဖြစ်ဘူး …။ တစ်ရက်အိမ့်ခိုင်ဦးဖုန်းဆက်လို့ သူရှိတဲ့
ရန်ကုန်မြို့ဆင်ခြေဖုန်း မြို့နယ်တစ်ခုကိုရောက်သွားတယ်… သူနဲ့ သူ့သူငယ်ချင်းတွေ
ဒုက္ခသည်စခန်းတစ်ခုမှာ ထမင်းလှုနေတုန်း ကျွန်တော်ကိုတွေ့တော့ သူက အကူအညီ
လိုအပ်နေတဲ့အကြောင်း ဆေးဝါးကုသဖို့လိုတာတွေ ၊ပြန်လည်ထူထောင်ရေးကိစ္စတွေကို
ပြောပြပါတယ် …။ ပင်ပန်းလွန်းလို့ သူ့ပိန်သွားတာကိုကျွန်တော်သတိထားမိပေမယ့်
သူကိုယ်တိုင်တော့ သတိထားမိပုံမပေါ်ပါဘူး… သူ့မျက်လုံးတွေကတော့ ဘယ်လိုအရောင်မှ
ဖျော့မသွားပါဘူး…။ သူ့ရဲ့လူငယ်စိတ်က အခက်အခဲဟူသမျှကို ကျော်လွှားဖို့ အသင့်ရှိနေပါတယ်… ။ ဂျာနယ်အတွက် သတင်းတွေ အချိန်မှီ လာပို့ဖို့ကြိုးစားသလို…။
ကျန်တဲ့အချိန်တွေလည်း မုန်းတိုင်းခံပြည်သူတွေ အတွက်အချိန်နဲ့မျှပေးဆက်ဖို့သူအမြဲကြိုးစား
နေပါတယ်…။
သူ့မှာ မြန်မာလူငယ်တိုင်းမှာရှိတဲ့ စိတ်ဓါတ်အပြည့်ရှိနေတယ် ။ လူငယ်တွေလွတ်လပ်ခွင့်၊
တစ်မျိုးသားလုံးလွတ်လပ်ခွင့်၊ ခေတ်နောက်ကျကျန်လွန်းတဲ့နိုင်ငံကို ခေတ်မှီတိုးတက်စေချင်
တဲ့ဆန္ဒ၊ဆင်းရဲဒုက္ခပင်လယ်ဝေနေတဲ့ ပြည်သူတွေရဲ့ ဘ၀အဖုံဖုံကို ကူညီကယ်တင်ချင်တဲ့
ဆန္ဒ၊ ….အဲဒီဆန္ဒတွေတပွေ့တပိုက်နဲ့ လွတ်လပ်မှုအခွင့်အလမ်းတွေကို မျော်ကိုးသူ
မအိမ့်ခိုင်ဦးပါ…။
ကံဆိုးတဲ့ ဇွန်လတစ်ရက် သူမှားယွင်း ထိန်းသိမ်းခံလိုက်ရတယ်… လမ်းမပေါ်မှာ
ဓါတ်ပုံရိုက်မိတဲ့ သတင်းထောက်တွေရဲ့ ကံကြမ္မာဟာ သက်ဦးဆံပိုင်အာဏာရှင်
နိုင်ငံငယ်လေးမှာတော့ ကြမ္မာဆိုးတွေနဲ့ ထိပ်တိုက်တိုးတတ်ပါတယ်….။
သူမဟာလည်း…..
သူမရဲ့အမှန်တရားအတွက် ပြည်သူတွေကို သူမပေးချင်တဲ့ အလင်းသစ်တွေအတွက်
မုန်တိုင်းထန်နေတဲ့ ကောင်းကင်ကိုဖြတ်ပျံသန်းရင်း သမိုင်း စာမျက်နှာပေါ်မှာ
သူမအမည်ဟာ စူးနစ်စွာထင်ကျန်နေရစ်ခဲ့ပါတော့မယ်…..။
No comments:
Post a Comment