ဒုက္ခပါပဲကွာ … ငါတော့ ရူးချင်ပီ
ချင်းမိုင်ရောက်နေတဲ့
ကျနော့် နောင်တော်လွမ်း
ကမ္ဘာနဲ့ တ၀ှမ်း အနိဌာရုံ တွေလွှမ်းနေပုံများ
စိတ်မသက်မသာ
ဒုက္ခပါပဲကွာ တဲ့……။
ဥရောပ ခေတ္တခဏ
ရောက်နေတဲ့ ကျနော်
ဂျပန်က ငလျင်နဲ့ ဆူနာမီ
ဂြိုလ်တုက တိုက်ရိုက်လွှင့်တဲ့သတင်း
ကွက်ကွက် ကွင်းကွင်း ပါပဲ
ငါတော့ ရူးချင်ပီ …. ။
သူပုန်က
သူ့ ရဲဘော် ရဲဘက်များအတွက်
စိုးရိမ်ပူပန် ငလျင်ရဲ့ သဏ္ဍန်
ဆူနာမီရဲ့  ဟန် မာန် ရသမျှသတင်းအမှန်
အမြန်သာ အဆက်မပြတ် ပို့ ပေး
(ငါတို့  လူတွေ ဘေးကင်း ပါစေ)
ငါ ဖြန့် ပေးနေတယ် …..
ဒုက္ခပါပဲကွာ တဲ့ …..။
ကျနော်ကတော့
တိုကျိုမှာ ကျန်ခဲ့တဲ့ ဇနီးနဲ့ ရှစ်နှစ်အရွယ် သား တို့ အပေါ်
စိုးရိမ်စိတ်က ဆူနာမီလှိုင်းများလိုရိုက်ခတ်
ထိုင်မရ ထမရ ကုန်းပေါ်ပြစ်တင်ခံရတဲ့ ငါး ဘ၀
ငါ အမှတ်ရမိသေး
ဗုဒ္ဓ၀င် ဇာတ် နိပါတ်တော်ထဲ
မပဋာမြေလူး ဖတ်ဘူးပါရဲ့ 
အခုတော့ မပဋာမြေလူး ငါတွေ့ ဘူးပြီ
ငါတော့ ရူးချင်ပီ …။
နောင်တော်လွမ်း နဲ့  ကျနော်
သောက အထုတ်အပိုးတွေအပေါ်
ပိုးဆိုးပက်စက် လဲပြိုနေလျက်က
ပြိုင်တူ ငြီးတွား
ဒုက္ခပါပဲကွာ …. ငါတော့ ရူးချင်ပီ
အွန်လိုင်းပေါ်မှာ ပဲ့တင်ထပ်သွား ……။
(နောင်တော်လွမ်းသို့  သတိတရ)
ရဲရင့်သက်ဇွဲ
၁၈၀၃၂၀၁၁
No comments:
Post a Comment