ကြုံတဲ့အခါ
ကဗျာ ခံစားရင် ၊ နတ်ရှင်နောင်က
ဗြစ်ရေ ချစ်သတဲ့ သား။
ကြုံတဲ့အခါ
ဖာနဲ့ ပျော်ပါးတော့
အဖေက ဘော့လုံးပွဲလည်း ကြိုက်တာပဲလားတဲ့။
ကြုံတဲ့အခါ
ကာတွန်းကားကြည့်တယ်၊
သားက
အဖေက ဟီးရိုးမဟုတ်ပါဘူးတဲ့။
ကြုံတဲ့အခါ
မာမာအေးသီချင်း ကြားတယ်၊
နားဆင်ရသမျှ၊
အလွမ်း ၊ မျက်ရည် ၊ ရှိုက်သံ
ကံကြမ္မာကိုက မင့်အဖေဖြစ်ခဲ့တာလေ။
ကြုံတဲ့အခါ
အနဂ္ဂ ၊ ဘာဘူတို့ရဲ့ ဂီတသစ်
ခံစားရတယ်။
သားက
ထိတယ် ၊ မိတယ်၊ ငြိတယ်၊
ရှင်းပြတ်တယ်တဲ့။
အဖေ နှုတ်ဆိပ်ခဲ့တယ်။
ကြုံတဲ့အခါ
ဗမာဗွီဒီယိုကားတွေကြည့်တဲ့အခါ
ထမင်းစားတယ်၊ ကုန်တိုက်သွားတယ်
ကားမောင်းမယ်၊ ကားစီးတယ်၊
တိုက်နဲ့ ခြံနဲ့၊ အသည်းကွဲတယ်
ဇာတ်ပို့တွေက သူငယ်ချင်းနဲ့ လူပျက်
မျက်ရည်က ကမ်းပြိုအိ
မချိတင်ကဲ၊ ငိုရှိုက်ကြတယ်။
သားက ပြောတာ
ဗမာတွေက အငိုသန်တဲ့ လူမျိုးလားတဲ့။
ကြုံတဲ့အခါ
ဘလော့ဂ်ဂါတွေရဲ့
ရင်ခုန်အက်ကြေ၊ ဝေဒနာတွေ ဖတ်ရ
နှလုံးကွာ ရင်ဝေး ၊ အဆွေးက
အဘိဓမ္မာ ကဗျာမဖြစ်တော့ပါဘူး သားရယ်ပေါ့။
ကြုံတဲ့အခါ
ကိုယ့်ဖာသာကို ၊ ရေမှာကြည့်မိတဲ့အခါ
ဂျိုကာတကောင် ဆွဲတက်တယ်။ ။
မောင်လွမ်းဏီ
၁ ၆ ၀၉
No comments:
Post a Comment