လွမ်းတယ်
ဟိုး တုန်းကသင်္ကြန်ကို
ငါ့လိုပဲ လွမ်းနေမယ့်
တပ်ဦးက ရဲဘော်တွေကို
လွမ်းတယ် ၊
နှစ်တွေ နှစ်တွေ
အချိန်ကာလ မြစ်တွေက
တိုက်စားဝါးမြို
တန်ဖိုးထားရာ
ယဉ်ကျေးမှုဆိုတာတွေလည်း
အဲဒီ ကာလမြစ်ကပဲ ဖြိုချသွားခဲ့တာလား
ငါတို့ ကိုယ်တိုင်က
ကိုယ်ခံအားနဲခဲ့လို့  ပြိုကျလာသလား
အတွေးဝင်္ကပါထဲကနေ
ရာဇ၀င်တွေထဲက သင်္ကြန်ကို
လွမ်းတယ်
သပြေခက်နဲ့  ရေပက်တဲ့ သင်္ကြန်ကို
လွမ်းတယ်
မန္တလေး သင်္ကြန်ကို
လွမ်းတယ်
သင်္ကြန်မိုးကို
လွမ်းတယ် ၊
“တနှစ်တခါ ပွင့်လာတာ
သစ္စာရှိတဲ့ ပိတောက်ပါ” ဆိုစကား
အခုများတော့
ယုံတမ်းစကားသာလိုလို
လက်ဆေးမိုးလေး တပြိုက်နှစ်ပြိုက်
ပိတောက်တွေ အဆုပ်လိုက် အခိုင်လိုက်
ချစ်ခြင်းတွေ ပြိုင်ခဲ့သမျှလည်း
အခုများတော့
အိုဇုန်းလွှာ ပါးလာတာကိုပဲ
ယိုးမယ်ဖွဲ့ ရတော့မလို ၊
တကယ်တမ်း
ဘာမှမဆန်းဘူး ၊
တိုင်းပြည်ကို အုပ်ချုပ်သူတွေက
မင်းကျင့်တရားနဲ့ မညီ
ကတိတွေမတည်မှတော့
ရာသီတွေ ဖေါက်ပြန်တာ
ဘာမှမဆန်းဘူး ၊
လူတွေစိတ်ဓာတ် ပျက်စီးကုန်တာ
ဘာမှမဆန်းဘူး ၊
ယဉ်ကျေးမှုတွေ ပြိုပျက်ယိုယွင်းလာတာ
ဘာမှမဆန်းဘူး ၊
မျိုးဆက်တွေ ကိစ္စတုံးခံနေရတာ
ဘာမှမဆန်းဘူး ၊
ဆန်းတာက
ငါတို့ တွေ ဘာမှမလုပ်နိုင်ကြသေးတာ
အဲဒီ စစ်ခွေးတွေကိုယ်၌က
ကံကောင်းနေသေးတာလား
ငါတို့ တွေကပဲ
ညံ့နေသေးတာလား
ပျိုမျစ်ခြင်းနဲ့  မျိုးဆက်တွေ
ယဉ်ကျေးမှုနဲ့  စိတ်ဓာတ်တွေကို
အောင်ပွဲနဲ့ အတူ
ဒီမိုကရေစီ နိုင်ငံတော်သစ်ဆီကို
ခေါ်ဆောင်သွားဘို့ အတွက်
ငါတို့ အားလုံးမှာတာဝန်ရှိတယ် ၊
ဘယ်တော့ ဘယ်အချိန်
ဘယ်ကာလ
အောင်ပွဲရမလဲ မမေးနဲ့ 
ရောက်တဲ့နေရာ ရောက်တဲ့အရပ်ကနေ
ကိုယ်လုပ်နိုင်တာ ၀င်လုပ်ကြ။ ၀င်တိုက်ကြ
သမိုင်းပေး တာဝန်အရပေါ့ ၊
ဘယ်လိုပဲဖြစ်ဖြစ်
လွမ်းတယ်
ဟိုး တုန်းကသင်္ကြန်ကို
ငါ့လိုပဲ လွမ်းနေမယ့်
တပ်ဦးက ရဲဘော်တွေကို
လွမ်းတယ် ၊
ဲ
No comments:
Post a Comment