Sunday, April 22, 2012

ဒီမှာကြည့်စမ်း အသဲနှလုံးတွေ မီးခဲလိုပဲ

ဒီမှာကြည့်စမ်း အသဲနှလုံးတွေ မီးခဲလိုပဲ

မင်းလမ်းလျှောက်တဲ့အခါ
ညှင်သာစွာ ခြေလှမ်း ဖြေးဖြေးလေးလှမ်းလှည့်ပါ ။
မင်းစကားပြောတဲ့အခါ
တိုးတိုးဖွဖွ ရယ်သံလွှလွှ
ဖူးငုံသစ်စ နှုတ်ခမ်းပါးလျ
လက်ဝါးလေးနဲ့ ကာပြောစမ်းပါ ။

ဟိုမှာတွေ့ လား ……
ကွန်ကရစ် အတုန်းအပုံတွေကြားမှာ
မြစ်ဆုံလေ
ဧရာဝတီအတွက် အသက်ပေးကာကွယ်ကြတဲ့။

မင်းမျက်ဝန်းတွေထဲက
ကြေက်ရွံ့ စိုးရိမ်စိတ်တွေကို
မြစ်ဆုံမရိပ်မိစေနဲ့ 
ဧရာဝတီပေါ်ကို မကျမိစေနဲ့ 
ကိုယ့်လက်ကို မြဲမြဲကိုင်တွယ်
တရားတဖက် ဓါးတလက်နဲ့ 
သမိုင်းပေးတာဝန်တွေပါကွဲ့ ။

အချစ်ရေ …..
အရွယ်တွေ အရုပ်တွေ အရောင်တွေ ယုံကြည်ရာတွေ
ခေတ္တခဏမေ့ထား
ဟော့ဒီ မြေပေါ်မှာ မွေးဖွားကြီးပြင်းသူ ဘယ်သူပဲဖြစ်ဖြစ်
ဟော့ဒီ မြေပေါ်မှာ နှစ်ကာလရှည်လျားလာရောက်အခြေချသူများ
ဟော့ဒီ ရေ မြေ လေ တို့ ရဲ့ သစ္စာတရားကို စောင့်သိသူများ
ဟော့ဒီ နိုင်ငံရဲ့  အနာဂတ်သစ်ကို ဒိုးတူဘောင်ဖက် တည်ထောင်လိုသူများ
မြစ်ဆုံအရေး ဧရာဝတီအရေးမှာ လက်နှေးမနေကြနဲ့ ….
အဖိုးမှိုင်းသာ သက်ရှိထင်ရှား ရှိနေသေးရင် …..
(………………………..ဓါးမသွေးလောက်ပီမို့ လို့ များစာချိုး)
တိုက်ပွဲထဲ ရဲရဲတိုးသွားမှာအသေအချာပဲ …။

အချစ်ရေ ….
ရင်ကိုဖွင့်ကြည့်စမ်း ဘာတွေတွေ့ နိုင်မလဲ……..။

ရဲရင့်သက်ဇွဲ
၂၀၀၄၂၀၁၂

No comments: