Thursday, September 16, 2010

အေဒီ ၁၂ ၏ နောက်ဆုံးစစ်ပွဲ

(http://www.tyalife.com/ မှ ကူးယူပါသည်)

အေဒီ ၁၂ ၏ နောက်ဆုံးစစ်ပွဲ

ဘောင်းဘီဝတ် မြို့ပြဟာ
ကနေတယ်
တောင်စဉ် ရေမရ စကားလုံးတွေနဲ့
အစီအစဉ်ကျကျ ဖွဲ့သလိုမျိုး။

ဟောဒီမှာ. . .
မီနီစကတ်နဲ့ ဂျင်းရှပ်ဟာ
လမ်းထွက်နေတယ်။

ဟောဒီမှာ . . .
နာရီစင်ဟာ
စိတ်ပျက်နေတယ်။

ဆံပင်အတို ဖြတ်ထားတဲ့
မန္တလေး အပျိုမဟာ
ခြေသလုံး မလှတော့ပါဘူးကွယ်။

ခြေကျင်းသံ တချွင်ချွင်နဲ့
ငါတို့ “အောင်ပင်လယ်”မှာ
စပါးမစိုက်တော့ပါဘူးကွယ်။

ငါတောင်းပန်ပါတယ်။

ကတ္တီပါ ဖိနပ်ကလေးရယ်
ငါ ရေငတ်ပါရစေ။

ဧရာဝတီမြစ်ထဲခုန်ဆင်းဖို့တော့
မစဉ်းစားပါနဲ့။

ငါတို့ မန္တလေးမှာ
ဧရာဝတီသွေးလဲ ဖြူဖွေးနေပြီမို့
လာ . . .“နာရသီဟပတေ့”
သင်နဲ့ငါ
ပြေးကြစို့။ ။

မိုရ်
၁၉၉၄

No comments: