တပေါင်းဟာ
အလျှံတငြီးငြီး တောက်လောင်နေတဲ့
သမိုင်းရဲ့  မီးလျှံများနဲ့ 
ငါတို့ ရဲ့ ရင်ကို
ကျွမ်းမြိုက်အောင် ပြုစားနေလေရဲ ။့
၂၊
“အနီးကပ်ဆုံး ရန်သူကို
ရှာပြီးတိုက်ကြ”
ဗိုလ်ချုပ်ရဲ့ 
စစ်ထွက်မိန့် ခွန်းအသံ
တပေါင်းကိုလျှံပြီး
ငါတို့ ရဲ့ ရင်ထဲကို ကျလာတယ် ၊
ခေတ်ခြင်းတော့မတူဘူး
အဖိနှိပ်ခံရတာခြင်းတော့ တူတယ်၊
အသံခြင်းတော့ တူတယ်၊
ရင်ခုန်တာခြင်းတော့ တူတယ်၊
တော်လှန်ရတာခြင်းတော့ တူတယ်၊
နှလုံးသွေးရဲရဲနီတာခြင်းတော့ တူတယ်၊
အသက်စွန့် ရတာခြင်းတော့ တူတယ်၊
ဗိုလ်ချုပ်တို့ ခေတ်က
တိုင်းတပါးနယ်ချဲ့ ဖက်ဆစ်ကို
မြေလှန်မောင်းထုတ်ပစ်ခဲ့တာ
အားရ ကျေနပ် ဂုဏ်ယူစရာ
တပေါင်းဟာ
စိတ်တက်ကြွစရာ သမိုင်းစာမျက်နှာတွေနဲ့  ၊
ငါတို့ ခေတ်ရဲ့  တပေါင်း
မျက်နှာ မကောင်းရှာဘူး၊
ကိုယ့်လူမျိုး အာဏာရှင်တို့ ရဲ့  ဆိုးကျိုးက
၁၉၇၆ မတ်လ မှိုင်းရာပြည့်
သွေးတွေ မြေမှာပြန့် ကျဲ
၁၉၈၈ မတ်လ ၁၃-၁၆
သွေးတွေမြေမှာ ပြန့် ကျဲ နဲ့ 
ကမ္ဘာကြေသော်လည်း ဥဒါန်းမကြေနိုင်တဲ့
ဝမ်းနည်း ကြေကွဲစရာ သမိုင်းတွေကို
တပေါင်းဟာ
အလိုမတူပဲ လက်ခံခဲ့ရပြီ ၊
၃၊
ငါတို့ လဲ
ကြေကွဲဝမ်းနည်းမှုများနဲ့ 
အလိုမတူပဲ လက်ခံခဲ့ရတဲ့
သွေးစွန်းသမိုင်းနေ့ ရက်များရဲ့ 
ရာဇ၀င်ကြွေး
အသက် သွေး ချွေးများနဲ့ 
ပေးဆပ်ကြိုးစား
စွန့် လွှတ် စတေးခံ သူရဲကောင်းများရဲ့ 
“ဒီမိုကရေစီ ရမှ
အမျှဝေပါ”
တောင်းဆိုသံများ
အကြိမ်ကြိမ် အထပ်ထပ် ပြန်ကြားနေရင်း
ကောင်းကင်ဘုံက စောင့်ကြည့်နေတဲ့
သင်တို့ ရဲ့  မျက်ဝန်းအစုံများအောက်မှာ
မြေပေါ်မှ မခြောက်သေးသော
သင်တို့ သွေးများနဲ့  တိုင်တည်ပြီး
တပေါင်းကို သက်သေထားလို့ 
ငါတို့  သစ္စာပြုလိုက်ပါပေရဲ့ ၊
“ ငါတို့ ခေတ်မှာ
ဘယ်လို အာဏာရှင်စနစ်ဆိုး မှန်သမျှ
အမြစ်ပြတ် ကျဆုံးစေရမယ် ”။
No comments:
Post a Comment