Fashion Era

Friday, January 01, 2010

ဒီဇင်ဘာ (၂၀) ရက်တမ်းချင်း (သို့မဟုတ်) ရဲဘော်ရဲ့ကဗျာ

ဒီဇင်ဘာ (၂၀) ရက်တမ်းချင်း (သို့မဟုတ်) ရဲဘော်ရဲ့ကဗျာ
မောင်လေးအောင်

တင်းတင်းကိုက်ထားတဲ့
ငါ့ရဲ့နှုတ်ခမ်းဟာ
ဗြန်းကနဲ ကွဲထွက်
သွေးအစက်စက် စီးလိမ့်လာတယ်
ငါ အံကြိတ်ပြီး
လက်သီးကို တင်းတင်းဆုပ်မိတယ်
ဗိုလ်အောင်ကျော်
ရဲဘော်ဟာ
ဒီနေရာမှာ ကျဆုံးသွားခဲ့တယ်။


ကတ္တရာလမ်းကိုခွာ
ရာဇ၀င်ရုပ်ရေးအရ
သုတေသနလုပ်ရင်
ရဲဘော်ရဲ့
နီမြန်းတဲ့ ဂုဏ်ပုဒ်ကို တွေ့ရမယ်။

ဘယ်သူတွေ ငြင်းနိုင်မလဲ
စီးဝင်ခဲ့တဲ့ ရဲဘော်ရဲ့သွေးတွေအကြောင်း။

သင်းတို့တတွေက
ရဲဘော်ရဲ့ဂုဏ်အထူးထူးကို
ဖော်ကျူးဖို့ ငြင်းဆန်ကြတယ်။

ဘယ်သူတွေရှိဦးမလဲ
ရဲဘော်မုန်းခဲ့တဲ့သူတွေပေါ့
သင်းတို့အမုန်းကို
ရဲဘော်က စိမ်းကားတဲ့ အပြုံးနဲ့
ပြုံးမှာပဲ ယုံတယ်။

စပါတာကပ်(စ်)ရဲ့ဂုဏ်ရောင်
ကုန်းဘောင်သူပုန်
ဂဠန်ဆရာစံ
ငုယင်ဗန်ထရွိုင်း
အတိုင်းမသိသော
ချေဂွေဗားရား ... စသော
အာဇာနည်ထောင်သောင်းတို့နှင့်အတူ
ရဲဘော်ဟာ နီရဲဝင်းလက်ခဲ့တယ်။

ပြည်သူချစ်တဲ့
အာဇာနည်အနှစ်ဟာ
နုပျိုစိမ်းလန်းနေမှာပဲ
မုချယုံတယ်။

ဗိုလ်အောင်ကျော် ရဲဘော်
ဒီနေရာမှာ တို့ဟာ
စာရွက်တွေ အတူတူဝေခဲ့ဖူးတယ်။

ဗိုလ်အောင်ကျော် ရဲဘော်
ဒို့ဟာ ဒီနေရာမှာ
ရဲဘော်ကို အကြိမ်ကြိမ် ဂုဏ်ပြုခဲ့ဖူးတယ်။

ရဲဘော်ရဲ့အခန်းဆက်တိုက်ပွဲ
ရဲဘော်ရဲ့ တရားတဲ့ တိုက်ပွဲတွေအကြောင်း
ဒီနေရာကိုလာပြီး
ရဲဘော်ရဲ့ စီးခဲ့တဲ့
နီရဲတဲ့ သွေးစက်တွေပေါ်မှာ
ငါ့ရဲ့  ဖြူရော်နေတဲ့ မျက်ရည်နဲ့
သူရသတ္တိမဲ့တဲ့ ရှိုက်သံနဲ့
ဂုဏ်အခန်းခန်းကို
ညစ်နွမ်းအောင် ငါမလုပ်ဘူး။

ကဗျာတပုဒ်
ဟုတ်တယ် ငါ့ရဲ့ကဗျာတပုဒ်
ရဲဘော်ရဲ့ဂုဏ်ပုဒ်ကို ဖော်ထုတ်ဖို့
ကြိုးစားတဲ့ ကဗျာတပုဒ်။

လက်ခံပါ ရဲဘော်
အော်ဟစ်ပြီး ငါပန်ကြားတယ်။

ပြန်ငြင်းပါရစေ
ဒီကဗျာဟာ ငါ့ရဲ့ကဗျာမဟုတ်ဘူး။

ဖတ်ကြည့်စမ်းလေ
စီးဆင်းခဲ့တဲ့ သွေးစက်တွေရယ်
ဘယ်သူ့သွေးလဲ
ရဲဘော်ရဲ့ ပူနွေးတဲ့ သွေး
မခန်းခြောက်သေးတဲ့ သွေးတွေ
အို ... ... ရဲဘော်ရဲ့သွေးအစက်စက်နဲ့
ရဲရဲလက်လက်
သီယှက်ထားတဲ့
ရဲဘော်ရဲ့ကဗျာပါလား။ ။

မောင်လေးအောင်

လူထုဦးလှ

ပဲခူးတိုင်း၊ ညောင်လေးပင်မြို့နယ်၊ ပုစွန်မြောင်းရွာတွင် အဖ ကုန်သည်ဦးပု၊ အမိ ဒေါ်ခိုင်တို့က ၁၉၁၀ပြည့် နှစ်၊ ဇန်န၀ါရီလ ၁၉ ရက်၊ ဗုဒ္ဓဟူးနေ့ နံနက် ၇း၄၅ နာရီတွင် မွေးဖွားခဲ့သည်။ မွေးချင်း ၃ ယောက်တွင် အငယ်ဆုံး ဖြစ်သည်။ အမည်ရင်းမှာ မောင်လှဖြစ် သည်။
ပုဇွန်မြောင်းရွာ ဆရာဦးဖေခိုင်ကျောင်းတွင် ၄ တန်းထိ ပညာသင်ခဲ့။
၁၉၂၆ - ညောင်လေးပင်မြို့ အာ၊စီ၊အမ် (ရိုမန်ကက်သလစ် သာသနာပြု) ကျောင်းမှ ၇ တန်းအောင်။
၁၉၃၀ - ရန်ကုန်အစိုးရ အထက်တန်းကျောင်းမှ ၁၀ တန်း အောင်၊ ဆယ်တန်းအောင်ပြီး စာရင်းကိုင်စာရေး သင်တန်းတက်ခဲ့၊ သင်တန်းတက်ရင်းမှ လူငယ်များကြီးပွားရေးအသင်း သတင်းများကို သတင်းစာများသို့ ပေးပို့ ရေးသားခဲ့။
၁၉၃၁ - မြူနီစီပယ်တွင် ဘောလုံးသမားတစ်ဦးအဖြစ်၊ ရာပြတ်အင်စပက်တော်ဝင်လုပ်ခဲ့သည်။ လူငယ်များ ကြီးပွားရေးအသင်းသို့ ၀င်ရောက်ခဲ့။ လူငယ်များ ကြီးပွားရေးအသင်းတိုက် စာကြည့်တိုက်မှူး။ လူငယ်များကြီးပွား ရေးအသင်း ညကျောင်းဆရာ။

၁၉၃၂ - ''ကြီးပွားရေးလမ်းညွှန်'' မဂ္ဂဇင်းထုတ်ဝေသည့်အခါ စာစရေးခဲ့။
၁၉၃၃ - ကြီးပွားရေးမဂ္ဂဇင်းကို ဦးစီးထုတ်ဝေခဲ့။
၁၉၃၇ - စာပေနှင့်လူထုလူတန်းစား အဖွဲ့အစည်းများတွင် ပါဝင်ခဲ့။ စာရေးဆရာအသင်းအမှုဆောင်။
၁၉၃၈ - မန္တလေးအာဇာနည် ၁၇ ဦး ဈာပနသို့ စာရေးဆရာအသင်း ကိုယ်စားလှယ်အဖြစ် တက်ရောက်ခဲ့၊ ''ဆိုဗီ ယက်ရုရှား'' စာအုပ်ထွက်။
၁၉၃၉ - နိုဝင်ဘာ ၁၃ ရက်တွင် ဒေါ်အမာနှင့်လက်ထပ်ခဲ့။
၁၉၄၀ - ကြီးပွားရေးမဂ္ဂဇင်းကို မန္တလေးသို့ပြောင်းရွှေ့ထုတ်ဝေ။ စစ်အတွင်း၌ မဂ္ဂဇင်းရပ်ဆိုင်းထားပြီး ကိုယ်ပိုင် စာအုပ်များ ရိုက်နှိပ်ထုတ်ဝေခဲ့သည်။ ထိုကာလအထိ ''ကြီးပွားရေးမောင်လှ'' ''ကြီးပွားရေးအယ်ဒီတာမောင်လှ'' ကလောင်အမည်များကိုအသုံးပြုခဲ့၊''ထိပ်ဆုံးသို့'' စာအုပ်ထွက်ခဲ့။
၁၉၄၂-၄၄ - ဒုတိယကမ္ဘာစစ်ကြီးအတွင်း ကပိုင်ရွာသို့ ခေတ္တပြောင်းရွှေ့နေထိုင်ပြီး စာအုပ်ထုတ်ဝေရေးလုပ်ငန်း များ ဆက်လက်လုပ်ဆောင်ခဲ့သည်။
၁၉၄၂-တွင် ''ရွှံ့ နှင့်စစ်သား'' ''ပန်းနှင့် စစ်သား'' စာအုပ်များထွက်ခဲ့။
၁၉၄၃ - ဂျပန်ခေတ်စာရေးဆရာအသင်း အဝေးရောက်အမှုဆောင်။ အာရှလူငယ်အသင်း ခရိုင်ဥက္ကဌ။
၁၉၄၅ - အထက်ဗမာနိုင်ငံ ဖ့ဆ့ပ့လ အဖွဲ့ဝါဒဖြန့်ချိရေးမှူး။ ''လူထုဂျာနယ်'' ၁၅ ရက်တစ်ကြိမ်ထုတ် ထုတ်ဝေ။
၁၉၆၀ - မေ ၁၀ တွင် လူထုသတင်းစာ ပြန်ထွက်ခဲ့။ ''စစ်, အချစ်နှင့်ထောင်'' စာအုပ်ထွက်။ အင်္ဂလန်၊ ပြင်သစ် နှင့် အနောက်ဂျာမနီသို့ သွားရောက်ခဲ့။
၁၉၆၂ - ''ကရင်ပုံပြင်များ'' စထွက်။ အင်ဒိုနီးရှားနိုင်ငံသို့ သွားရောက်ခဲ့ ''ဂျပန်ပြည် တစ်ခေါက်'' စာအုပ်ထွက်။
၁၉၆၃ - ''ရခိုင်ကျေးလက်ပုံပြင်များ'' စထွက်။ (ယင်းစာအုပ်ဖြင့် ၁၉၆၃-ခုနှစ် စာပေဗိမာန် အနုပညာဆိုင်ရာစာ ပေဆု ကလေးသူငယ်ဆိုင်ရာစာပေ ဒုတိယဆုရ)။ ''အင်ဒိုနီးရှား အနောက်မှအရှေ့သို့'' စာအုပ်ထွက်။ ''သတင်းစာ များသည် သမိုင်းကို ပြောနေကြသည်'' စထွက်။
၁၉၆၄ - ''မွန်ပုံပြင်'' စထွက်။ ''စာပေနှီးနှောဖလှယ်ပွဲ'' စာတမ်းများ (အခြား ၇-ဦးနှင့်ပူးတွဲ)ထွက်။
၁၉၆၅ - ''မြန်မာပုံပြင်များ'' စထွက်။ ''သောင်းပြောင်းထွေလာ ရေးချင်ရာရာ'' ထွက်။
၁၉၆၇ - လူထုသတင်းစာ ရပ်စဲခံရသည်။ '' နာဂတောင်တန်းတစေ့တစောင်း'' စာအုပ်ထွက်။
၁၉၆၈ - ''သတင်းစာများပြောပြတဲ့ စစ်တွင်း မြန်မာပြည်'' (၄-တွဲ) ထွက်။ ''လီဆူးပုံပြင်များ'' စာအုပ်ထွက်။
၁၉၆၉ - ''သတင်းစာများ ပြောပြတဲ့ စစ်ပြီးစ မြန်မာပြည်'' (ပ-တွဲ) ထွက်။
၁၉၇၀ - ''ရ၀မ်ပုံပြင်များ''၊ ''ကျွန်တော်ဗြူရိုကရက်''၊ ကျွန်တော် စတီး ပွဲစား'' စာအုပ်များထွက်။
၁၉၇၁ - ''လိုင်းနောက်နာဂပုံပြင်များ'' ထွက်။ ''ကျွန်တော်သတင်းထောက်'' စာအုပ်ထွက်။
၁၉၇၂ - ''ကျွန်တော်မြင်းသမား''၊ ကျွန်တော်လှေသူကြီး'' စာအုပ်ထွက်။
၁၉၇၅ - ''စားစရာဆန်''၊ ကျွန်တော်သံလွင်ဖောင်စီး'' စာအုပ်များထွက်။
၁၉၇၇ - ''အရက်သမားအမှားတစ်ထောင်'' ထွက်။
၁၉၈၂ သြဂုတ် ၇ ရက်နေ့ နံနက် ၈း၁၅နာရီတွင် မန္တလေးမြို့ ၌ ကွယ်လွန်ခဲ့သည်။
ထင်ရှားသည့်စာအုပ်အချို့
(၁) ထောင်နှင့်လူသား (စာပေဗိမာန်ဆုရ)
(၂) စစ်, အချစ်နှင့်ထောင်
(၃) စစ်ပြီးစက ထောင်တံခါး
(၄) အာလုံးကောင်းကြရဲ့လား
(၅) လှောင်ချိုင့်တွင်းမှ ငှက်ငယ်များ (ယူနက်စကိုဆုရ)
(၆) ကျွန်တော် ဗြူရိုကရက်
(၇) ကျွန်တော် စတီးပွဲစား
(၈) ကျွန်တော် သတင်းထောက်
(၉) ကျွန်တော် မြင်းသမား
(၁၀) ကျွန်တော် လှေသူကြီး
(၁၁) ကျွန်တော် သံလွင်ဖောင်စီး

စာပေဆိုင်ရာစာအုပ်
(၁) သူ့စာများကပြောတဲ့သိပ္ပံမောင်ဝအကြောင်း
(၂) ကျွန်တော်ဖတ်တာဟောပြောတွေထဲက
(၃) လူ့မိတ်ဆွေစာအုပ် (စုပေါင်း)
(၄) သခင်ကိုယ်တော်မှိုင်းနိဒါန်း (စုပေါင်း)

သတင်းဆိုင်ရာ
(၁) သတင်းစာများပြောပြတဲ့စစ်တွင်းဗမာပြည် (၄-တွဲ)
(၂) သတင်းစာများပြောပြတဲ့စစ်ပြီးစမြန်မာပြည်
(၃) သတင်းစာများသည် သမိုင်းကို ပြောနေကြသည်

ခရီးသွားစာပေ
(၁) ဂျပန်ပြည်တစ်ခေါက်
(၂) အင်ဒိုနီးရှားအရှေ့မှအနောက်သို့
(၃) နာဂတောင်တန်းတစေ့တစောင်း

ပုံပြင်
(၁) မြန်မာ (၂) ရှမ်း (၃) ချင်း (၄) ကချင် (၅) ကယား
(၆) ပလောင် (၇) ရခိုင် (၈) နာဂ (၉) မွန်
(၁၀) လီဆူးပုံပြင်များအပြင်
(၁၁) ကာလီဒါသသဘ၀အတွေ့အကြုံ ပုံပြင် (၃-တွဲ)
(၁၂) ရောမပုံပြင် (၁၃) ဟိန္ဒူပုံပြင် (၁၄) အီတလီပုံပြင်
(၁၅) ကမ္ဘာပုံပြင်များ

ဝတ္တု
(၁) မနီးတဲ့ဘ၀ခရီး
(၂) ရဲဘော်နှင့် မောင်ကြီးနှမ

ကြီးပွားရေး
(၁) ထိပ်ဆုံးသို့
(၂) လူတစ်လုံး


ဖူးချစ်က သင်တို့ကို ချစ်ခဲ့တယ်

ဖူးချစ်က သင်တို့ကို ချစ်ခဲ့တယ်
မောင်လေးအောင်

တိုက်ရဲဝံ့ခြင်း၊ သေရဲခြင်းပဲ
သေရဲဝံ့ခြင်း၊ မြင့်မြတ်ခြင်းပဲ
တိုက်ရဲသေရဲ၊ ရဲရင့်စွဲသည်
ရဲဘော်၏နှလုံးသား အနီရောင်။

နီသောနှလုံးသား၊ မေတ္တာပွား၍
သင်လူသားတို့ကို ချစ်ခဲ့သည်။

နီမောင်းဆွတ်ဆွတ်၊ ရင်သည်းပွတ်မှ
သင်လွတ်လပ်ခြင်းကို ချစ်ခဲ့သည်။

လွတ်လပ်ရေးအတွက်
သွေးကိုပူဇော်၊ တိုက်သေပျော်သည်
ရဲဘော်အသက် စွန့်ခဲ့သတည်း။

ဖူးချစ် …
ပြည်သစ်ရည်စူး၊ နှလုံးဦးမှာ
သွေးလူးလိမ်းကျံ၊ စတေးခံသည်
တော်လှန်ခဲ့သော ပန်းတပွင့်။

ပန်းနီတပွင့်၊ မြေမှာသင့်လည်း
မွှေးရင့်ထုံဆဲ ကြိုင်ဆဲ လှိုင်ဆဲပါတကား။

အမိမြေကို
ခြေကျူးမခံ၊ အုံကြွလှန်သည်
ချက်ပြည်သစ်၏ ကြယ်နီ။

ဘီယာတမြုံ့
ပေါင်မုန့်တဖဲ့၊ မလှယ်ခဲ့ဘူး
သွေးနဲ့လဲတဲ့သူရဲကောင်း။

ချက်ပြည်သူတို့
တွေးယူစေ့စစ်၊ အားအင်သစ်လော့
ဖူးချစ်က သင်တို့ကို ချစ်ခဲ့တယ်။

သူ့ကိုချစ်ရင်
ပြည်သစ်ပန်းဖူး၊ နီနီဦးကို
ဖူးချစ်ဂူမှာ၊ ရဲရဲပွင့်လိုက်စမ်းသာ …။

မောင်လေးအောင် (မိုးဝေ မဂ္ဂဇင်း - ၁၉၆၈)

နှစ်သစ်မှာ အမေနှင့် စကားပြောခြင်း

တနှစ်ဟောင်းလို့ 
အသစ်ပြောင်းတော့မယ်
သားတို့ မှာ
အသက်တနှစ်သာ ပိုကြီး
အမေ့ရဲ့  ဒုက္ခမီးကို
မငြိမ်းသတ်ပေးနိုင်သေးတာ
ခွင့်လွှတ်ပါ အမေ ။

နှစ်သစ်ကို
ဖြစ်စေချင်တဲ့ ဆန္ဒတွေနဲ့ ချည်နှောင်ထား
မိုးတွင်းဖားတွေလို သံစုံအော်မြည်ကြ
အဲဒီ အော်သံတွေနဲ့  ကျေနပ်
ဒီလိုပဲ နေတတ်ခဲ့ကြတာ
ဝမ်းနည်းစရာမဟုတ်လား အမေ ။

ပယောဂ ကုဆရာတယောက်ရဲ့ 
တတွတ်တွတ် ရေရွတ်သံလိုမျိုး
အမြှုပ်ထွက်မတတ် စကားသံစည်ဝေကြ
အံ့ဖွယ်လိလိ
အင်တာနက်နဲ့ ယူဂျီ လုပ်ကြ
အတွင်းမှာတော့
တယောက် ပြီး တယောက်
အကျဉ်းထောင်တွေထဲရောက်ကုန်ပြီ
မငိုပါနဲ့  အမေ ။

နှစ်ကသာ သစ်လာတာပါ
အတွေးအခေါ် အကျင့်စရိုက်
အလိုက်အထိုက် မျောပါမှုတွေ
ပြောစရာစကား ရှားပါးလွန်းတယ်
အသစ်ထဲမှာ အသစ်ရှာရ
မောလွန်းလှတယ် အမေ ။

သားတို့ မှာတော့
နာကျည်းစိတ်တွေနဲ့ သာ
တိုက်ပွဲကို အရှိန်အဟုန်မြှင့်လို့ 
နှစ်သစ်ထဲ တိုးဝင်ခဲ့ကြပေါ့ အမေ ။
၂၀၀၉ ၁၂ ၃၁